Unnan Fırın
"Unnan Fırın" müxtəlif növ təzə un məmulatlarının hazırlanması ilə məşğuldur. Markanın vizual kimlik vasitəsiylə yaratmaq istədiyi əsas hiss məhsulların doğma və əlçatan olmasıdır. Sifarişçi tərəfindən təqdim edilən assosiativ fikirlər kimliyin formalaşmasında əsas
rol oynayıb.
Xidmət
Brendinq
Sifarişçi
Unnan Fırın
Tarix
2021
Qarşıya qoyulan vəzifə
Yenilənən və inkişaf edən startapın gücünü və xidmət sferasını yetəri qədər göstərməyən köhnə simvol dəyişilməli, əvəzində keyfiyyəti və etibarlılığı təmsil edən vizual obraz yaradılmalı idi. Hazırlanacaq simvol şirkətin fəaliyyətini təsvir etməli, bununla yanaşı müasir və yadda qalan görüntü qazanmalı idi.
Həll yolumuz
Un məmulatlarının hazırlanma prosesi, hazırlanandan sonra aldıqları formalar, həmçinin baton çörəyi üzərində olan diaqonal xəttlər, loqonun əsas ilham qaynağı olub. Burdan yola çıxaraq “Unnan” sözünün ilk hərifi olan “U”-nun neqativ boşluğundan istifadə edərək baton çörəyi təsvir edilib. Simvol dairəvi və dalğalı forma ilə əhatə olunub. Bu isə xəmirin yayılmasını, undan hazırlanan bir sıra şirniyyat formalarını təsvir etmək üçündür.
